当前位置: 首页 > 赛事预测 >

足球電視轉播步入「熊市」

来源:网络整理 2017年11月23日 编辑:亚盘王
博盈球讯网讯:

就算唔熟經濟嘅讀者都知道,股票市場有牛市及熊市,而且近年多數時間都係牛市,但唔代表會一直有升冇跌。世界足球嘅發展亦一樣,近年出現「泰極否來」嘅情況,即係好到盡頭就會下滑,尤其係電視轉播方面,單單講歐聯,未計今周中,雖然分組賽剩番兩輪,但英超5雄、巴塞、皇馬、拜仁及聖日耳門嘅出線形勢基本大定,熟口熟面,未能於分組賽尾段掀起高潮,相信轉播收視未必如理想。

網絡興起影響甚大

踏入上世紀末至本世紀初,世界足球百花齊放,同時帶動起電視轉播、博彩市場嘅興旺,好多講波佬都係喺呢段時間入行。唔講你未必知,香港評述員講一場波,90分鐘定120分鐘都係收同一價錢,亦唔似其他行業般有雙糧花紅。隨住近年網絡嘅興起,對足球轉播收視影響極大,依家很多電視台都縮皮,一場波只搵一個評述員,甚至有啲索性只出英文聲,連廣東話評述都慳番,導致香港講波佬人數逐漸下降。筆者有幸為兩間電視台,於2010及2014年世盃做評述,查實佢哋都係蝕住嚟做,講番依家就到12月,至今竟然未有香港傳媒落實轉播明年6月嘅俄羅斯世盃,預計呢種足球轉播「熊市」,仍會延續一段時間。

金句

股票市場有牛市及熊市,世界足球亦有「泰極否來」。

使用本网站必须遵守本网址用户协议    

本站将尽善意努力以提供及时有效的信息,但并不保证所有信息为真实可靠以及并无错讹和谬误,用户在使用本网之服务时应自行甄别.

免责申明:第三方机构可能在足球比分网宣传他们的产品或服务,本站将不保证其宣传信息的准确性,您跟第三方机构的任何交易与本站无关,777体育网将不会对可能引起的任何损失负责.